2015 – يىللىق 6- ساندىكى تەۋسىيەلىك ماقالە - ئەسەرلەر

   يوللىغۇچى: باشقۇرغۇچى    كۆرۈلۈشى: 4836   يوللانغان ۋاقتى: 2015-12-18 10:28:15

سىز بۇ سان ژۇرنالنى قولىڭىزغا ئېلىپ ۋاراقلىسىڭىز، ئەڭ ئاۋۋال باش شۇجى شى جىنپىڭنىڭ ئاساسىي قاتلاملاردىن كەلگەن مىللەتلەر ئىتتىپاقلىقىدىكى مۇنەۋۋەر شەخسلەرنىڭ ۋەكىللىرىنى قوبۇل قىلغاندىكى مۇقاۋا سۈرەت دىققىتىڭىزنى تارتىدۇ. بۇ سۈرەت ھەممىمىز ئۈچۈن خاتىرە ئەھمىيەتكە ئىگە بولغان، قەدىرلەپ ساقلايدىغان سۈرەتتۇر.

   ژۇرنىلىمىزنىڭ بۇ سانىنى شىنجاڭ ئۇيغۇر ئاپتونوم رايونى قۇرۇلغانلىقىنىڭ 60 يىللىقى خاتىرىسىگە بېغىشلانغان ئالاھىدە سان، دېيىشكىمۇ بولىدۇ.

   بۇ سان ژۇرنال مۇقاۋىسىنىڭ 2 – بېتىدە ژۇرنىلىمىزنىڭ 2016 – يىللىق سانلىرى ھەققىدە قىسقىچە مەلۇمات بېرىلدى. «سۈزۈك قەترىلەر» سەھىپىسىگە «ۋاقىت __ ھاياتلىق دېمەكتۇر» ناملىق ماقالە بېرىلدى. «بىرىنچى كۆزنەك» سەھپىسىگە ئەڭ ئاۋۋال «جۇڭگو خەلقىنىڭ ياپون باسقۇنچىلىرىغا قارشى ئۇرۇشى ۋە فاشىزمغا قارشى دۇنيا ئۇرۇشى غەلىبىسىنىڭ 70 يىللىقىنى خاتىرىلەش يىغىنىدىكى كاتتا ھەربىي پاراتتىن كۆرۈنۈشلەر» بىلەن شىزاڭ ئاپتونوم رايونى قۇرۇلغانلىقىنىڭ 50 يىللىقىنى تەبرىكلەش يىغىنى ھەققىدىكى سۈرەت بېرىلدى. ئاندىن ئىككى ئۇيغۇر قىز ج ك پ مەركىزىي كومىتېتىنىڭ باش شۇجىسى، دۆلەت رەئىسى  شى جىنپىڭغا تەقدىم قىلغان «جۇڭگو ئارزۇسىنى بىر نىيەت – بىر مەقسەتتە روياپقا چىقىرىمىز» دېگەن خەت چۈشۈرۈلگەن رامكىلىق كەشتە بىلەن ئاساسىي قاتلاملاردىن كەلگەن مىللەتلەر ئىتتىپاقلىقىدىكى مۇنەۋۋەر شەخسلەر ۋەكىللىرىنىڭ خاتىرە سۈرىتى ۋە «شىنجاڭغا مەدھىيە» ناملىق سۈرەت ھەمدە ق ك پ مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، مەملىكەتلىك سىياسىي كېڭەشنىڭ رەئىسى يۈ جېڭشېڭنىڭ بۇرچىن ناھىيەسىدە قازاق چارۋىچىلار بىلەن بىللە بولغاندىكى سۈرىتى بېرىلدى.

   «ژۇرنىلىمىزنىڭ ئالاھىدە ماقالىسى» سەھىپىسىگە «جۇڭخۇا مىللىتى بىر ئائىلە كىشىلىرىدەك ئىتتىپاقلىشىپ، جۇڭگو ئارزۇسىنى ئورتاق ئىشقا ئاشۇرماقتا»، «باش شۇجى، رەئىس شى جىنپىڭنىڭ مىللەتلەر ئىتتىپاقلىقى توغرىسىدىكى بايانلىرى»، «مەركەز ۋەكىللەر ئۆمىكى شىنجاڭغا خاتىرە بۇيۇمى تەقدىم قىلدى» قاتارلىق ماقالە ۋە سۈرەتلەر بېرىلدى.

   «نەزەر ___ گۈزەل شىنجاڭ بەرپا قىلىپ، ۋەتەن ئارزۇسىنى بىرلىكتە ئىشقا ئاشۇرايلى» سەھىپىسىگە «تارىخىي باش پەللە»، «گۈزەل شىنجاڭ بەرپا قىلىپ، ۋەتەن ئارزۇسىنى بىرلىكتە ئىشقا ئاشۇرايلى»، « ناملىق ئاق تاشلىق كىتاب ئېلان قىلىندى»، «شىنجاڭنىڭ مىللەتلەر ئىتتىپاقلىقى تارىخى، تەشەككۈر تارىخى، كۈرەش تارىخى، ئۆزگىرىش تارىخى»، «دۆلەتلىك مىللەتلەر ئىشلىرى كومىتېتى شىنجاڭدىكى ئاز سانلىق مىللەتلەردىن بولغان مۇھاجىرلار ۋە چەت ئەل تەۋەلىكىدىكىلەرنى  دۆلىتىمىزنى ئېكسكۇرسىيە قىلىش – تەكشۈرۈشكە تەكلىپ قىلدى»، «مەملىكەت بويىچە مىللەتلەر ئىشلىرى كومىتېتى سىستېمىسىنىڭ نىشانلىق ياردەم بېرىش خىزمىتىنى ئىلگىرى سۈرۈپ، شىنجاڭنىڭ ئىجتىمائىي مۇقىملىقى ۋە ئەبدەبىي ئەمىنلىكىگە مەدەت بېرەيلى» ناملىق ماقالىلار بېرىلدى.

   «مىللەت ۋە ئۆرپ – ئادەت» سەھىپىسىگە گۈلمىرە ئىسمائىلنىڭ «لاياقەتلىك ئوقۇتقۇچىنىڭ ئەۋلاد تەربىيەلەشتىكى رولى»، دىلشات غوجىئەخمەتنىڭ «كەلپىن دىيارىدىكى ئېسىل نېمەت ___ »، «مىللەت ۋە ئۇچۇر» سەھىپىسىگە تۇرسۇنجان ئابدۇرېھىنىڭ «پاتىگۈل ئۇرايىم بولدى»، «يۇلغۇن چېچىكى» سەھىپىسىگە ھېسامىدىن ئەزىزىنىڭ «بېيجىڭدا پۈتكەن نەزملەر»، «ئانا تىل رادىيوسى ھەققىدىكى ھېكايىلىرىم» سەھىپىسىگە يۈسۈپ ئابدۇراخماننىڭ «رادىيودىن قاناتلانغان ئارزۇ»، ئۆمەرجان سىدىقنىڭ «قەلبىمدىكى ئاۋاز» قاتارلىق ماقالىلىرى بېرىلدى.

   «بىز ئۇچراشقان كىشىلەر. تۆھپىكارلار ئالبومى» سەھىپىسىدە شىنجاڭ بوكسچىلىقىنىڭ بەرپاچىسى، داڭلىق مەشقاۋۇل ئابلىكىم ئابدۇرېشىت تۇنۇشتۇرۇلدى.

   بۇ سان ژۇرنالدا يەنە غەيرەت مەمتىمىن، ئەخمەتجان مەتقۇربان، ھۈسەنجان قاسىم، ئابدۇسلام ئۇلۇغ، ئادىلجان ئابدۇقادىرلارنىڭ فوتو سۈرەت ئەسەرلىرىمۇ ئېلان قىلىندى.

   ئەمدى كېيىنكى قېتىمدا دىققىتىڭىز ___

   «جۇڭگو مىللەتلىرى» ژۇرنىلىنىڭ 2016 – يىللىق سانلىرىدا بولسۇن!

   يېڭى قۇتلۇق بىر يىل سىزگە ئۇتۇق ۋە نەتىجىلەر بىلەن قۇچاق ئاچسۇن!